Azərbaycandakı kredit ittifaqlarının zərəri 5 dəfə artıb
![Azərbaycandakı kredit ittifaqlarının zərəri 5 dəfə artıb](https://qazet.az/resized/fit900x500/center/pages/117363/d109422e-730c-4c09-90a7-d99b29b9c34f-850.jpg)
Azərbaycandakı kredit ittifaqları bu ilin yanvar-sentyabr aylarını 0,05 milyon manat zərərlə başa vurub.
Qazet.az Azərbaycan Mərkəzi Bankına istinadən xəbər verir ki, bu, ötən ilin eyni dövrünə nisbətən 5 dəfə çoxdur.
9 ay ərzində kredit ittifaqlarının gəlirləri 1,8 milyon manat (illik müqayisədə 5,3 % az), xərcləri 0,85 milyon manat (16,4 % çox), xüsusi ehtiyatlara ayırmaları isə 0,9 milyon manat (25 % az) təşkil edib.
Bu il oktyabrın 1-nə kredit ittifaqlarının aktivləri 14,3 milyon manat olub ki, bu da 1 il əvvələ nisbətən 0,7 % çoxdur. Bunun 12,1 milyon manatı müştərilərə verilmiş xalis kreditlərdir. Son 1 ildə sektorun kredit portfeli 3,2 % kiçilib.
Hesabat dövründə kredit ittifaqlarının öhdəlikləri 10 % azalaraq 4,5 milyon manata düşüb, balans kapitalı isə 6,5 % artaraq 9,8 milyon manata çatıb.