Azərbaycandan Başqırdıstana 8 ayda 408 nəfər səfər edib

Bu ilin yanvar-avqust aylarında Azərbaycandan Rusiyanın Başqırdıstan bölgəsinə 408 nəfər səfər edib.

Qazet.az Rusiya mətbuatına istinadən xəbər verir ki, bu barədə yerli Statistika idarəsi məlumat yayıb.

Məlumata görə, 8 ay ərzində Başqırdıstana ümumilikdə 8 537 əcnəbi gəlib ki, onların da əksəriyyəti MDB ölkələrindəndir. Bölgə ən çox Tacikistan (3 102 nəfər), Özbəkistan (1 253 nəfər), Ermənistan (536 nəfər) və Azərbaycandan ziyarətçi qəbul edib. Başqırdıstana viza rejimi tətbiq olunan ölkələrdən isə 2 237 nəfər gəlib.