Bakı 10˚C Cloudy

Azərbaycanın ictimai iaşə dövriyyəsinin 65 %-i Bakının payına düşür

Biznes 17:09 01 okt, 2022
Azərbaycanın ictimai iaşə dövriyyəsinin 65 %-i Bakının payına düşür

Bu ilin yanvar-avqust aylarında Bakının ictimai iaşə dövriyyəsinin həcmi ötən ilin müvafiq dövrü ilə müqayisədə real ifadədə 56 % artaraq 605,4 milyon manat olub.

Qazet.az xəbər verir ki, bu barədə Bakı Şəhər Statistika İdarəsi məlumat yayıb.

Bildirilir ki, hüquqi şəxslər tərəfindən ictimai iaşə dövriyyəsi 383,1 milyon manat olub ki, bu da ümumi dövriyyənin 63,3 %-ni təşkil edib.

Xatırladaq ki, bu ilin yanvar-avqust aylarında Azərbaycanda ictimai iaşə dövriyyəsi ötən ilin müvafiq dövrü ilə müqayisədə real ifadədə 46,5 % artaraq 931,6 milyon manat olub.

Məlumata görə, özəl sektorda ictimai iaşə dövriyyəsinin 49,8 %-i hüquqi şəxslərin, 50,2 %-i isə bu sahədə sahibkarlıq fəaliyyəti ilə məşğul olan fiziki şəxslərin payına düşür.