Bakı 22˚C Sunny

Azərbaycanın razılığı olmadan heç kim və heç nə Qarabağa daxil ola bilməz - MN-dən Rusiyaya məktub

Gündəm 14:12 12 sen, 2021

Azərbaycan Müdafiə Nazirliyi xarici ölkə avtomobillərinin ərazilərimizə keçməsi ilə bağlı Rusiyaya müraciət edib

Azərbaycanın razılığı olmadan heç kim və heç nə Qarabağa daxil ola bilməz - <span style="color:red">MN-dən Rusiyaya məktub</span>

Digər ölkələrə aid nəqliyyat vasitələrinin Rusiya Federasıyası sülhməramlılarının müvəqqəti yerləşdirildiyi Azərbaycan Respublikası ərazilərinə qanunsuz keçməsi ilə bağlı Müdafiə Nazirliyi tərəfindən Rusiya Federasiyası Müdafiə Nazirliyi və Sülhməramlı qüvvələrin komandanlığına məktublar ünvanlanıb.

Bu barədə Qazet.az-a Müdafiə Nazirliyindən bildirilib.
"Məktublarda qeyd olunmuşdur ki, bu kimi hallar Azərbaycan Respublikası və Rusiya Federasiyası Prezidentlərinin və Ermənistan Baş nazirinin 10 noyabr 2020-ci ildə imzaladığı üçtərəfli bəyanata ziddir və onların qarşısının alınması xahiş olunmuşdur.
Azərbaycan Respublikasının razılığı olmadan digər ölkələrin hüquqi və fiziki şəxsləri və onlara aid nəqliyyat vasitələri Azərbaycan ərazisinə daxil ola bilməz və bu kimi hallar ölkəmizin qanunlarının pozulmasıdır", - deyə məktublarda bildirilib.