Azərbaycanla Moldova ixrac sahəsində əlaqələrin genişləndirilməsini müzakirə edib

Moldova Baş nazirinin müavini, infrastruktur və regional inkişaf naziri Andrei Spînu ilə görüş faydalı keçib

Azərbaycanın iqtisadiyyat naziri Mikayıl Cabbarov Moldova Baş nazirinin müavini, infrastruktur və regional inkişaf naziri Andrei Spînu ilə görüşüb.

Qazet.az xəbər verir ki, M.Cabbarov bu barədə məlumatı feysbuk hesabında paylaşıb.

Onun sözlərinə görə, Moldova Baş nazirinin müavini, infrastruktur və regional inkişaf naziri Andrei Spînu ilə görüş faydalı keçib: "İxrac sahəsində ikitərəfli əlaqələrin genişləndirilməsi, investisiyaların təşviqi və biznes-forumların təşkil edilməsi barədə ətraflı müzakirələr apardıq".