Azərbaycanla Tatarıstan turizm üzrə müştərək layihələri müzakirə edib
![Azərbaycanla Tatarıstan turizm üzrə müştərək layihələri müzakirə edib](https://qazet.az/resized/fit900x500/center/pages/126794/8ba70fdf-90d0-35d0-900c-b9f6486601a5-850.jpg)
Dövlət Turizm Agentliyinin sədri Fuad Nağıyev Tatarıstanın Turizm üzrə Dövlət Komitəsinin sədri Sergey İvanov Azərbaycanla Tatarıstan arasında turizm əlaqələrinin genişləndirilməsi və qarşılıqlı əməkdaşlığın artırılması məsələlərini müzakirə edib.
Qazet.az xəbər verir ki, bu barədə Dövlət Turizm Agentliyi məlumat yayıb.
Bildirilir ki, görüşdə Fuad Nağıyev pandemiyadan sonra Azərbaycanda turizmin bərpası, son dövrlərdə turizm sahəsində görülmüş işlər, Qarabağın turizm imkanlarının bərpası üçün icra olunan layihələr haqqında məlumat verərək, Rusiya Federasiyası ilə turizm sahəsində əməkdaşlıq əlaqələri çərçivəsində Tatarıstanla da müxtəlif birgə tədbirlərin keçirilməsinin mümkünlüyünü qeyd edib.
Tatarıstanın Turizm üzrə Dövlət Komitəsinin sədri Sergey İvanov öz növbəsində Azərbaycanla turist mübadiləsinin artmasında maraqlı olduqlarını və Kazandan Bakıya birbaşa uçuşların mövcudluğununun turizm əlaqələrinin genişlənməsində əhəmiyyət kəsb etdiyini vurğulayıb.
Görüşdə qarşılıqlı təbliğat məqsədli ilə turizm sənaye nümayəndələri və media nümayəndələri üçün birgə infoturların təşkili, turizm məhsullarının tanıdılması üçün müştərək layihələrin hazırlanması ilə bağlı fikir mübadiləsi aparılıb.