"Azəriqaz" təmir-tikinti işləri aparır

"Azəriqaz" bu ərazilərdə təmir işləri aparır

"Azəriqaz" İstehsalat Birliyinin Təmir-tikinti İdarəsi tərəfindən paytaxtın Azadlıq prospekti ilə Ziya Bünyadov küçələrinin kəsişməsində təmir işləri həyata keçirilir.

"Azəriqaz"dan Qazet.az-a verilən məlumata görə, Nəsimi və Binəqədi rayonlarının kəsişməsində diametri 530 və 325 mm olan ortatəzyiqli qaz kəmərlərinin əlaqələndirilməsi işləri aparılır.

"Əsas məqsəd abonentlərin qaz təchizatının yaxşılaşdırılması, hansısa xətdə qəza halı baş verərsə, digər xətdən qaz ötürməklə abonentləri dayanıqlı olaraq təbii qazla təmin etməkdir. Ərazidən çoxsaylı yeraltı kommunikasiya xətlərinin keçməsi texnikanın işləməsinə mane olduğundan əməkdaşlarımız işin ən ağır mərhələsini icra ediblər. Əl ilə qazma üsulundan istifadə edərək sözügedən ərazidə qazma işlərini yekunlaşdırıblar. Artıq qoşma işləri həyata keçirilir, günün sonunadək işlərin yekunlaşdırılması nəzərdə tutulub", - məlumatda bildirilib.