Bakıda 13 yaşlı qız ərə verilir?

Paytaxtın Xəzər rayonunda azyaşlı qızın zorla evləndirildiyi iddia edilir.

Qazet.az xəbər verir ki, bu barədə Azərbaycan Uşaqlar Birliyi - Uşaq Sığınacağı Reinteqrasiya Mərkəzinin sədri Kəmalə Ağazadə sosial şəbəkə hesabında paylaşım edib.

Onun sözlərinə görə, Nuranə Gülər adlı tanıdığı Türkan qəsəbəsində 13 yaşlı qızın ərə verildiyini iddia edib. Qeyd edilib ki, 13 yaşlı qızın ərə getdiyi adamın bir yaşında övladı var və yeni boşanıb.

Daxili İşlər Nazirliyinin Mətbuat Xidmətinin əməkdaşı Nurlan Əliyev bildirib ki, sosial şəbəkələrdə yayılan məlumatla bağlı araşdırma aparılır.