Bakıda 24 yaşlı motosikletçi qəzada xəsarət alıb

Bakının Nərimanov rayonunda xəsarətlə nəticələnən yol-nəqliyyat hadisəsi baş verib.

Qazet.az xəbər verir ki, 1998-ci il təvəllüdlü Bağırzadə Fəzail İqbal oğlu idarə etdiyi motosikletlə hərəkətdə olarkən avtomobillə toqquşub.

Xəsarət alan motosikletin sürücüsü təcili tibbi yardımın köməkliyi ilə xəstəxanaya çatdırılıb.

Hadisənin təfərrüatı araşdırılır.