Bakıda kirayə mənzillərin qiyməti BAHALAŞACAQ

Kirayə mənzillərin sayı azdır

"Hazırda kirayə mənzil bazarında sabitlikdi. Hesab edirəm ki, avqust ayının 15-dən sonra müraciətlərin sayında artımı müşahidə edəcəyik və bu, qiymətlərə də təsirsiz ötüşməyəcək".

Bunu Qazet.az-a açıqlamasında ekspert Ramil Osmanlı deyib. Onun sözlərinə görə, kirayə mənzillərin sayı azdır. 

"Buna baxmayaraq, kirayə ev tapmaq mümkündür. Amma avqust ayının sonlarına doğru təklif olunan kirayə mənzillərin sayı daha da məhdudlaşacaq. Tələbin yüksək olması isə qiymətin kəskin artımına gətirib çıxaracaq".