Bakı 27˚C Mostly cloudy

Bakıda tuneldə zəncirvari qəzada sürücü xəsarət aldı, sərnişin şok keçirdi – FOTO

Hadisə 12:26 30 okt, 2021

Qəza zamanı yük maşınına, iki “Toyota” markalı, bir “Hyundai” markalı avtomobilə və avtobusa ziyan dəyib

Bakıda tuneldə zəncirvari qəzada sürücü xəsarət aldı, sərnişin şok keçirdi – FOTO

“20 Yanvar” dairəsindən Z.Bünyadov prospekti istiqamətində tuneldə yol-nəqliyyat hadisəsi baş verib.

Qazet.az APA-ya istinadən xəbər verir ki, qəza zamanı yük maşınına, iki “Toyota” markalı, bir “Hyundai” markalı avtomobilə və avtobusa ziyan dəyib.

Bakı Nəqliyyat Agentliyindən verilən məlumata görə, 09 BO 440 dövlət qeydiyyat nişanlı yük avtomobili eyni istiqamətdə hərəkət edən 4 minik avtomobili və 13 nömrəli müntəzəm marşrut xətti üzrə hərəkət edən 99 JB 297 dövlət qeydiyyat nişanlı avtobusla toqquşub.

Qəzada yük avtomobilinin sürücüsü qaş nahiyəsindən xəsarət alıb, sərnişin isə şok keçirib.

İlkin məlumata görə, qəza yük avtomobilinin əyləc sistemindəki nasazlıq səbəbindən baş verib.

Qeyd olunub ki, avtobus depoya qayıtdığından içərisində sərnişin olmayıb.