Bakıda universitetdə tüstülənmə - YENİLƏNİB

Hadisə ilə bağlı təhlükəsizlik məqsədilə tələbələr təxliyə edilib

Universitetin birinci mərtəbəsində zibil qutusunun içərisində kağız yanıb.

Qazet.az xəbər verir ki, bu barədə ADNSU mətbuat xidmətinin rəhbəri Bəhruz Nəzərov məlumat verib. O bildirib ki, hadisə mediaya fərqli şəkildə təqdim edilib ki, bu da həqiqəti əks etdirmir:

“Universitetin ikinci tədris korpusunda, birinci mərtəbədə yerləşən zibil qutusunun birində kağız yanıb. Kiçik tüstülənmə olub. Dərhal da işçilər tərəfindən tədbir görülüb və təhlükəsizlik təmin edilib. Hadisə ilə bağlı heç bir təxliyə olmayıb. Bu hal universitetdə dərs prosesinə heç bir mənfi təsir göstərməyib”.

***

Azərbaycan Dövlət Neft və Sənaye Universitetində tüstülənmə olub.

Qazet.az-ın məlumatına görə, hadisə ilə bağlı təhlükəsizlik məqsədilə tələbələr təxliyə edilib.

Tüstülənmənin hansı səbəbdən olduğu araşdırılır.

Məsələ ilə bağlı Azərbaycan Dövlət Neft və Sənaye Universitetinin mətbuat xidmətinin rəhbəri Bəhruz Nəzərov faktı təsdiq edib.

O bildirib ki, əlavə məlumat veriləcək.