Bakının qurtuluşu münasibətilə Şəhidlər Xiyabanında yürüş başlandı
Cəmiyyət
10:40 15 sen, 2021
Şəhidlər Xiyabanında Türk şəhidləri abidəsinin önündən yürüşə start verilib
Bakının erməni-bolşevik birləşmələrinin işğalından azad olunmasının 103-cü ildönümü ilə bağlı paytaxtda hərbçilərin daha bir yürüşü başlayıb.
Qazet.az Report-a istinadən xəbər verir ki, tədbirə Şəhidlər Xiyabanında Türk şəhidləri abidəsinin önündən start verilib.
Azərbaycan və Türkiyə ordusunun bir qrup generalı Türk şəhidləri abidəsinin önünə əklil qoyublar.
Daha sonra hərbi orkestrın müşayiəti ilə Türkiyənin və Azərbaycanın Dövlət himni səsləndirilib.
"Azərbaycan-Türkiyə qardaşlığı əbədi və sarsılmazdır" devizi altında keçirilən yürüş İçərişəhər metrosu-İqtisadiyyat Universitetinin binası-Qala Qapısı-“AzNeft” dairəsi-Bəhram Gur heykəli marşrutu ilə davam edəcək.