"Barselona"nın matçı zamanı TERROR təhlükəsi

"Barselona" və "Real Madrid" komandaları arasındakı "El-Klasiko"ların birində "Kamp Nou"da terror aktı planlaşdırılıbmış.

Qazet.az İspaniya mətbuatına istinadən xəbər verir ki, dron vasitəsi ilə partlayıcı maddədən istifadə etmək istəyən Məhəmməd Yasin Amrani saxlanılıb və o, üç il müddətinə azadlıqdan məhrum edilib.

Bildirilib ki, prokurorlar əvvəlcə Amraninin terror təşkilatı ilə əlaqəsinə görə 9 il həbs olunmasını istəyib. O, 2020-ci ildən etibarən radikallaşmağa başlayıb. Prokurorlar planlaşdırılan hücumlar barədə onun onlayn fəaliyyətindən xəbərdar olub.

Qeyd edək ki, "Kamp Nou" "Barselona"nın ev oyunlarını keçirdiyi futbol məbədidir.