Başından güllə yarası alan dünya çempionu ölüb

Başından güllə yarası alan atıcılıq üzrə dünya çempionu ispaniyalı Xorxe Ballesteros 39 yaşında vəfat edib.

Qazet.az xəbər verir ki, bu barədə "Jara y Sedal" məlumat yayıb. O, öz silahı ilə başından aldığı güllə yarasından ölüb.

Hadisə yanvarın 10-da baş verib. İspaniyalı çempion Madriddə ticarət mərkəzində saxladığı şəxsi avtomobilində başından güllə yarası ilə tapılıb. Mənbələrin məlumatına görə, idmançı ağır vəziyyətdə xəstəxanaya yerləşdirilib, yanvarın 11-də isə dünyasını dəyişib.

Ballesteros uşaqlıqdan cüdo, karate, atletika, futzal, basketbol, ​​fronton və stolüstü tennis də daxil olmaqla bir çox idman növü ilə məşğul olub. Bununla belə, o, diqqətini atıcılığa yönəldib. Artıq 18 yaşında Ballesteros milli çempionatda iştirak edib və qalib gələrək ölkədə bu titulu qazanan ən gənc atıcı olub.

2013-cü ildə Barseloda (Portuqaliya) ispaniyalı idmançı karyerasında ilk dəfə Avropanın mütləq çempionu olub və üç il sonra bu titulu təsdiqləyib. 2017-ci ildə dünya çempionu olmağı bacarıb.