Batumi su altında qalıb

Batumidə bu gün də arabir yağış yağacaq, gecə saatlarında isə güclənəcək

Gürcüstanın Acarıstan Muxtar Respublikasının paytaxtı Batumi şəhərində ötən gecə bir neçə saat yağan güclü yağış bir sıra ciddi fəsadlar yaradıb.

Report xəbər verir ki, şəhərdə onlarla küçə su altında qalıb, piyadalar və avtomobillərin hərəkəti iflic olub.

Ticarət obyektləri və yaşayış binalarının birinci mərtəbələrini də su basıb.

Sinoptiklərin proqnozlarına əsasən, Batumidə bu gün də arabir yağış yağacaq, gecə saatlarında isə güclənəcək.