Baydenlə yaxın təmasda olan Ağ Ev əməkdaşı koronavirusa yoluxdu

Cen Psaki qeyd edib ki, son günlərdə Co Bayden iki dəfə test verib və onların hər ikisinin cavabı mənfi çıxıb

ABŞ prezidenti Co Baydenlə yaxın təmasda olan Ağ Ev əməkdaşı koronavirusa yoluxub.

Qazet.az xəbər verir ki, bu barədə ABŞ liderinin mətbuat katibi Cen Psaki danışıb.

Onun sözlərinə görə, sözügedən əməkdaş dekabrın 17-i prezidentin təyyarəsində onunla təmasda olub.

“Bazar ertəsi səhər saatlarında orta ranqlı əməkdaşın COVID-19 testinin cavabı müsbət oldu. Bundan üç gün əvvəl həmin əməkdaş bir nömrəli bortda prezidentin yaxınlığında təxminən 30 dəqiqə keçirib”  - deyə o bildirib.

Cen Psaki qeyd edib ki, son günlərdə Co Bayden iki dəfə test verib və onların hər ikisinin cavabı mənfi çıxıb. Prezident növbəti dəfə çərşənbə günü test verəcək.