“Beşiktaş”ın yeni baş məşqçisi Şenol Günəş oldu

Türkiyənin “Beşiktaş” futbol klubu Valerien İsmael ilə yollarını ayırdıqdan sonra baş məşqçi Şenol Günəşlə anlaşıb.

Qazet.az HaberGlobal-a istinadən xəbər verir ki, bu gün keçirilən idarə heyətinin toplantısında rəhbərlik yerli  mütəxəssislə bağlı yekdil razılığa gəlib.

Yaxın saatlarda klubun öz qərarını rəsmən açıqlayacağı bildirilir.

Şenol Günəşin bazar günü keçiriləcək “Ümraniyespor”la matçda komandaya rəhbərlik edəcəyi gözlənilir.