Birjalarda qızılın qiyməti cüzi artıb
Nyu-Yorkun “Comex” birjasında qızılın fevral fyuçersləri 0,29% bahalaşıb
![Birjalarda qızılın qiyməti cüzi artıb](https://qazet.az/resized/fit900x500/center/pages/51082/e67dcd6d-be3e-4b70-92fb-bbb244987264.jpeg)
İnvestorlar Federal Ehtiyatlar Sisteminin (FES) ABŞ-ın gələcək monetar siyasəti ilə bağlı qərarını gözlədikləri bir zamanda qızıl cüzi bahalaşıb.
Qazet.az birjalara istinadən xəbər verir ki, Nyu-Yorkun “Comex” birjasında qızılın fevral fyuçersləri 0,29%, yaxud 5,35 ABŞ dolları bahalaşaraq, 1 unsiyası 1 787,55 ABŞ dollarına satılıb. Gümüşün mart fyuçerslərinin qiyməti 0,35% artaraq, 1 unsiyası 24,235 ABŞ dolları təşkil edib.
Qiymətli metal bazarında müşahidə olunan müsbət dinamikanı investorların ABŞ FES-in iclası öncəsi sığınacaq aktivlərə üstünlük verməsi şərtləndirir. Bu iclasdan sonra monetar siyasətin uçot dərəcəsinin artırılması ilə necə sərtləşdiriləcəyi məlum olmalıdır.