Bitkoin yenidən bahalaşdı
Biznes
19:53 25 yan, 2022
Bitkoinin qiyməti 7 aylıq minimuma endikdən sonra yenidən artıb
![Bitkoin yenidən bahalaşdı](https://qazet.az/resized/fit900x500/center/pages/51461/39df4ae0-147d-4ff3-b49f-98acdfa81790.jpeg)
Dünyanın aparıcı kriptovalyutası - bitkoinin qiyməti 7 aylıq minimuma endikdən sonra yenidən artıb.
Qazet.az xəbər verir ki, kripto valyutaların satıldığı ən böyük birja olan “Binance”da bitkoin son 24 saat ərzində 9,95% bahalaşaraq 36 531 ABŞ dollarından satılıb.
Halbuki ötən gün qiymət 2021-ci ilin iyul ayından bəri ilk dəfə 33 000 dollardan aşağı düşmüşdü. Bununla 2009-cu ildən tədavülə buraxılan bitkoin 8-ci dəfə 50 %-dən çox ucuzlaşmış olub. Bunun başlıca səbəbi isə ABŞ-ın Federal Ehtiyatlar Sisteminin (FED) yaxın dövrdə monetarist siyasətini sərtləşdirib təməl faiz dərəcəsini artıracağına dair gözləntilərdir.