"Bloomberg" - ABŞ Nümayəndələr Palatasının yeni spikeri Pentaqonun büdcəsini azalda bilər

Qazet.az "Bloomberg"ə istinadən xəbər verir ki, ABŞ Nümayəndələr Palatasının yeni spikeri, onun ən çox ehtimal olunan namizədi respublikaçı Kevin Makkarti Pentaqonun büdcəsini azalda bilər.

Müzakirələrlə tanış olan üç nəfərin sözlərinə görə, müzakirə olunan razılaşmanın bir hissəsi xərclərin 2022-ci il səviyyəsinə qədər azaldılmasıdır. Milli müdafiə xərcləri 2022-ci ildə təxminən 782 milyard idisə, 2023-cü ildə 75 milyard artaraq 857 milyarda yüksəldi.

Bu sövdələşmə Makkarti tərəfindən spiker vəzifəsinə seçilmək imkanlarından biri kimi müzakirə edilir. Artıq bir neçə gündür ki, spiker seçkisində səsvermə turları keçirilir, artıq on iki dəfə spiker seçmək mümkün olmayıb.

Bundan əvvəl konqresmen Mett Goetz (Florida ştatından olan respublikaçı) yanvarın 5-də axşam ABŞ-ın keçmiş prezidenti Donald Trampı Nümayəndələr Palatasının sədri vəzifəsinə namizəd kimi irəli sürüb.