Boris Conson Baş Nazir olmaq istəmir

Böyük Britaniyanın keçmiş baş naziri Boris Conson Liz Trassın qəfil istefa verməsinin ardından Baş nazir postuna namizəd olmaqdan imtina etdiyini açıqlayıb.

Qazet.az xəbər verir ki, o qərarını belə açıqlayıb:

“Düşünürəm ki, 2024-cü ildə keçiriləcək ümumi seçkilərdə Mühafizəkarlar Partiyasını qələbəyə çatdırmaq üçün yaxşı şansım var. Mühafizəkarlar Partiyasının üzvləri arasında partiya seçkilərində uğur qazanmağım və cümə günü (28 oktyabr) Douninq Stritə qayıtmağım üçün yaxşı şans var. Amma son bir neçə gün ərzində, təəssüf ki, bunun sadəcə düzgün olmayacağı qənaətinə gəldim”.

“Ən yaxşı seçim namizədliyimi irəli sürməmək və qalibə dəstək ifadə etmək olardı. Təklif edə biləcəyim çox şey var, amma qorxuram ki, indi sadəcə doğru zaman deyil”.