Bu futbolçu karyerasını başa vurdu

İngiltərə millisinin və "Çelsi" klubunun sabiq futbolçusu Qari Keyhill karyerasını başa vurub.

Qazet.az-ın məlumatına görə, müdafiəçi 37 yaşında futbolla vidalaşıb.

Qeyd edək ki, Qari Keyhill 2012 - 2019-cu illərdə London təmsilçisinin formasını geyinib. O, bu müddət ərzində iki dəfə İngiltərə Premyer Liqasının, bir dəfə UEFA Çempionlar Liqasının və Avropa Liqasının qalibi olub. Keyhill son olaraq "Bornmut"da çıxış edib.