Bu gün saat 12:00-da ölkə ərazisində yollarda hərəkət dayandırılacaq
Gündəm
11:28 27 sen, 2021
Anım günü ilə əlaqədar saat 12:00-da şəhidlərin xartirəsi yad ediləcək

Baş Dövlət Yol Polisi İdarəsi 27 sentyabr – Anım Günü ilə əlaqədar ölkə əhalisinə müraciət edib.
İdarədən Qazet.az-ə verilən məlumata görə, 27 sentyabr – Anım Günü ilə əlaqədar ölkə ərazisində Vətən Müharibəsi şəhidlərinin xatirəsinin bir dəqiqəlik sükutla yad edilməsi üçün saat 12:00-da avtomobil yollarında bütün nəqliyyat vasitələrinin hərəkəti dayandırılacaq.
Şəhidlərimizi hörmətlə anır, Allahdan onlara rəhmət diləyirik.