Bu il işlə təmin edilən şəxslərin sayı açıqlanıb
Biznes
12:05 12 noy, 2022
![Bu il işlə təmin edilən şəxslərin sayı açıqlanıb](https://qazet.az/resized/fit900x500/center/pages/121564/9d0d2dac-4cfa-3744-a4f3-09ded7f763af.jpg)
Əmək və Əhalinin Sosial Müdafiəsi Nazirliyinin (ƏƏSMN) tabeliyindəki Dövlət Məşğulluq Agentliyi tərəfindən bu ilin yanvar-oktyabr aylarında 93,8 min işsiz və işaxtaran şəxs aktiv məşğulluq tədbirləri ilə əhatə olunub.
Bu barədə Qazet.az-a ƏƏSMN-dən məlumat verilib.
Bildirilib ki, onlardan 34,6 min nəfəri işlə təmin edilib. 15,5 min nəfəri isə özünüməşğulluq proqramına cəlb olunub. Proqram çərçivəsində mal və materiallarla təmin edilərək onlar üçün kiçik təsərrüfatlar qurulub.
Qeyd olunan dövrdə 3,8 min işsiz şəxs üçün peşə hazırlığı kursları təşkil olunub, 39,9 min şəxsə isə peşəyönümü xidmətləri göstərilib