Bakı 23˚C Sunny

Ceyhun Bayramov Antalyada 15-ə yaxın görüş keçirib

Siyasət 20:51 12 mar, 2022

Azərbaycan nümayəndə heyəti adından Antalya Diplomatiya Forumunun kifayət qədər faydalı olduğunu deyə bilərəm

Ceyhun Bayramov Antalyada 15-ə yaxın görüş keçirib

“Antalya Diplomatiya Forumunda görüşlərimiz, müzakirələrimiz başa çatmaq üzrədir. Fikrimcə, Antalya Diplomatiya Forumu bütün dünyanın marağına səbəb olan, beynəlxalq münasibətlər sistemindəı xüsusi yeri olan tədbirə çevrilib”.

Qazet.az xəbər verir ki, bunu Azərbaycanın xarici işlər naziri Ceyhun Bayramov deyib.

O bildirib ki, 20-ə yaxın dövlət və hökumət başçısının, 80-ə yaxın xarici işlər nazirinin, həmçinin aparıcı beyin mərkəzlərinin nümayəndələrinin iştirakı ilə keçirilən panel müzakirələri maraqlı və səmərəli keçib: “Azərbaycan nümayəndə heyəti adından Antalya Diplomatiya Forumunun kifayət qədər faydalı olduğunu deyə bilərəm. Fürsətdən istifadə edərək həmkarlarımla, digər diplomatlarla 15-ə yaxın görüşlər keçirdim. Eyni zamanda Cənubi Qafqazla bağlı panel müzakirəsində də iştirak etdim. Əminəm ki, danışıqlar, müzakirələr fayda verəcək”