Çilidə prezident seçkilərin ikinci turunda seçiləcək

Artıq səslərin 94,83 faizi hesablanıb

Çili seçiciləri ölkənin prezidentini ikinci turda seçəcəklər.

Bu barədə Qazet.az “RİA Novosti”yə istinadən xəbər verir.

Məlumata görə, seçkilərin birinci turunda namizədlərdən heç biri qanunvericilikdə tələb olunan səsləri toplaya bilməyib.

Çili qanunlarına görə birinci turda qalib gəlmək üçün 50% + 1 səs toplamaq tələb olunur. Bununla belə, kampaniyanın liderləri, sağçı namizəd Xose Antonio Kast və onun əsas rəqibi Qabriel Borik müvafiq olaraq 27,97 və 25,70% səs toplayıblar. Bundan əvvəl  seçkilərdə səslərin 19.9%-nin hesablanmasından sonra sağçı namizəd Xose Antonio Kastın qalib olduğu açıqlanıb.

Artıq səslərin 94,83 faizi hesablanıb. Seçkilərin ikinci turu dekabrın 19-da baş tutacaq.

Hakim koalisiyanın namizədi Sebastyan Siçel marafonu tərk edib.