Çin şirkəti robotu baş direktor təyin etdi

Mobil proqramlar və onlayn oyunlar hazırlayan Çinin “NetDragon Websoft” İT şirkəti baş direktor vəzifəsinə Tanq Yu adlı robotu təyin edib.

Qazet.az xəbər verir ki, bununla da o, rəsmi olaraq müdir kürsüsündə əyləşən dünyanın ilk robotu olub.

Robotun özü, texniki xüsusiyyətləri və xarici görünüşü haqqında mediada çox az məlumat var. Tanq Yu süni intellektə malikdir. O, insanabənzər robot hesab olunur.

Çin şirkəti robotun bütün işçilərin fəaliyyətinə qərəzsiz və ədalətli qiymət verə biləcəyinə inanır.