Çingiz Mustafayev Məkkəyə getdi

Müğənni Çingiz Mustafayev Məkkəyə Həcc ziyarətinə yollanıb. 

Qazet.az xəbər verir ki, ifaçı bununla bağlı özü məlumat paylaşıb. O bildirib ki, uşaqlıq arzusunu gerçəkləşdirib:

"Uşaqlıq dönəmlərimdə Məkkəni ancaq şəkillərdə görürdüm, hətta rayondakı evimizdə də divarda şəkli var idi. Bu müqəddəs torpaqlara ayaq basdığım üçün özümü çox şanslı və xoşbəxt hiss edirəm. Kəbəyə yaxınlaşmağa başlayanda içimdən heç vaxt hiss etmədiyim və təkrarolunmayacaq hisslər keçirdim. Sanki ürəyim lotos gülü kimi açılmağa başladı. Hətta bir anlıq qorxu gəldi içimə, elə bildim özümdən gedəcəyəm. Ruhum bədənimi tərk edəcək. Allah hər kəsə bu gözəl hissləri yaşamağı nəsib etsin".