"Dördlər finalı"nın püşkatma vaxtı - UEFA açıqladı

UEFA Millətlər Liqasında "Dördlər finalı"nın püşkatma mərasiminin vaxtı açıqlanıb.

Qazet.az UEFA-nın rəsmi saytına istinadən xəbər verir ki, tədbir 2023-cü il yanvarın 25-də İsveçrənin Nyon şəhərində keçiriləcək.

Bakı vaxtı ilə saat 14:00-da başlayacaq püşkdə A Liqasında öz qruplarını ilk pillədə bitirən Xorvatiya, İtaliya, Niderland və İspaniya yığmaları iştirak edəcək.

Qeyd edək ki, Niderlandın Rotterdam və Ensxede şəhərlərində təşkil olunacaq yarımfinal oyunları 2023-cü il iyunun 14 və 15-də, 3-cü yer uğrunda görüş və final isə 2023-cü il iyunun 18-də keçiriləcək.