Dünyada benzinlə işləyən avtomobillərin kütləvi şəkildə rədd ediləcəyi proqnozlaşdırılır

Yaxın onilliklərdə dünyada elektromobillərin sayı əhəmiyyətli dərəcədə artacaq. OPEC World Oil Outlook (WOO) ekspertləri benzinlə işləyən avtomobillərin kütləvi şəkildə rədd edilməsini proqnozlaşdırıblar.  

Qazet.az xəbər verir ki, bu barədə TASS məlumat yayıb.

2035-ci ilə qədər hər onuncu avtomobil elektriklə işləyəcək və 2045-ci ilə qədər elektriklə işləyən avtomobillərin sayı 95 dəfə artaraq 540 milyona və ya ümumi parkın 22 faizini təşkil edəcək. Eyni zamanda, ekspertlər hesab edirlər ki, elektrik avtomobilləri yaxın gələcəkdə benzinlə işləyən avtomobilləri sıxışdıra bilməyəcək - 2045-ci ilədək daxili yanma mühərrikli avtomobillərin payı 73 faiz təşkil edəcək, baxmayaraq ki, yeni avtomobillərin satışının 40 faizi elektriklə işləyən avtomobillərin payına düşəcək. 

2045-ci ilə qədər qazla işləyən avtomobil parkı üç dəfədən çox arta bilər, 2021-ci ildəki 33 milyondan 115 milyona. Göstərilən tarixə qədər dünyada avtomobillərin ümumi sayı 1,7 dəfə artaraq 2,5 milyarda çatacaq. Nəqliyyat sektorunda neftə tələbat sutkada 46,5-46,7 milyon barel səviyyəsində qalacaq.