Dünyanın ən qiymətli yumurtası rusiyalı oliqarxın yaxtasında tapıldı

Onların bəzilərinə rast gəlinmir

ABŞ Baş prokurorunun müavini Liza Monako rus oliqarxlara qarşı aparılan əməliyyatlardan danışıb.

Qazet.az xəbər verir ki, L.Monako bildirib ki, əməliyyatlar zamanı məxsus yaxtada Fabreje yumurtası tapılıb. Saxlanılan yaxta ilə bağlı daha ətraflı məlumat verməyən Monako rus oliqarxa məxsus yaxtanın keçən ay Ficidən ayrılaraq San Dieqoda lövbər saldığını bildirib. O bəyan edib ki, əgər yumurta həqiqi olarsa, bu, dünyada qalan bir neçə yumurtadan biridir və milyonlarla dollar dəyəri var.

Rus çarı 3-cü Aleksandrın həyat yoldaşı İmperatriçəyə Pasxa bayramında hədiyyə etmək üçün nəzərdə tutulan Faberj yumurtaları günümüzə qədər gəlib çataraq dəbdəbə və əzəmətin göstəricisinə çevrilib. Romanovlar sülaləsində ənənə halını almış 50 ədəd Faberj yumurtası istehsal olunub, lakin bu gün onların bəzilərinə rast gəlinmir.

Fabreje yumurtasının tapıldığı yaxtanın rusiyalı olqarx Süleyman Kərimova məxsus olduğu deyilir. Qeyd edək ki, 300 milyon dollar dəyərində olan Amadea adlı 107 metrlik lüks yaxta mayın 5-də Ficinin Lautoka bölgəsində sifariş əsasında suya salınıb.



Qaynaq