Eko-aktivlər Monenin rəsminə kartof püresi atıblar

Almaniyanın Potsdam şəhərindəki Barberini Muzeyində iki eko-aktiv Klod Monenin "Ot tayaları"na kartof püresi atıblar. Qazet.az xəbər verir ki, bu barədə MSN portalı məlumat yayıb.

Portalın məlumatına görə, hücum edənlər özlərini iqlim fəalları "Letzte Generation" (“Son Nəsil”) qrupunun üzvləri kimi təqdim ediblər. 

Naşir Rundfunk Berlin-Brandenburg bildirib ki, onlar saxlanılıb və əmlaka ziyan vurmaq və sərhədi pozmaqda təhqiqat altındadırlar.

Qrupun sosial şəbəkələrində insanların özlərinə “onlar üçün nə vacibdir: sənət, yoxsa həyat?” sualını verməsi üçün aksiya keçirdikləri deyilir.

Potsdam şəhərinin meri Mayk Şubert baş verənləri şərh edərkən deyib ki, “bu, fikir ifadəsi deyil, mədəni qarışıqlıqdır”.

Rundfunk Berlin-Brandenburun məlumatına görə, tablo şüşə ilə qorunub.