Ekofəallar özlərini yola yapışdırdılar

Berlində ekofəalların etiraz aksiyası keçirilib.

Qazet.az DPA agentliyinə istinadən xəbər verir ki, “Letzte Generation” ətraf mühit hərəkatının fəalları etiraz aksiyası çərçivəsində özlərini Berlində magistral yola yapışdırıblar.

Hadisə dekabrın 17-də, günorta saatlarında şəhərin mərkəzindəki Potsdam meydanı yaxınlığında baş verib. Beş nəfər özlərini yola yapışdıraraq, nəqliyyatın hərəkətinə mane olublar. Polis aksiyanı dağıtmaq üçün hərəkətə keçib.

2022-ci ilin noyabrında “Letzte Generation” təşkilatının fəalları Vyanadakı Leopold Muzeyində avstriyalı rəssam Qustav Klimtin “Ölüm və Həyat” tablosunun üzərinə neft tökmüşdülər. Kətan, qoruyucu şüşənin altında olduğu üçün heç bir zədə almamışdı.