Əlilliyi olan şəxslərə illik sosial ödəniş xərcləri son dörd ildə nə qədər artıb?

Bu barədə Əmək və Əhalinin Sosial Müdafiəsi nazirliyi məlumat yayıb

Əlilliyi olan şəxslərə pensiya və ya müavinət, o cümlədən müharibə ilə əlaqədar əlilliyi olanlara Prezidentin aylıq təqaüdü ödənilir. Bütün bu ödənişlər üzrə illik xərclər 2018-2021-ci illərdə 65 % və ya 736 milyon manat artıb.

Qazet.az xəbər verir ki, bu barədə Əmək və Əhalinin Sosial Müdafiəsi nazirliyi məlumat yayıb.

Bildirilib ki, illik xərclərdə əlilliyə görə pensiyalar üzrə 44%, əlilliyə görə müavinətlər üzrə 2,6 dəfə, xüsusi kateqoriyalara aid əlilliyi olan şəxslərə ödənilən təqaüdlər üzrə 4 dəfə artım olub.

Sağlamlıq imkanları məhdud uşaqlar üçün sosial ödənişlər üzrə isə illik xərclər 54 % artıb.