Elnur Əliyev: "Avropa İttifaqı Azərbaycanın əsas ticarət tərəfdaşı olub"
Biznes
14:33 16 fev, 2022
O, həmçinin deyib ki, hazırda Azərbaycanda Aİ-dan olan 1 700-dən çox şirkət fəaliyyət göstərir
![Elnur Əliyev: "Avropa İttifaqı Azərbaycanın əsas ticarət tərəfdaşı olub"](https://qazet.az/resized/fit900x500/center/pages/55939/6d248085-d5e0-4673-b5ac-6a1e9ade8e46.jpeg)
"Avropa İttifaqı (Aİ) ötən ildə 15,2 milyard ABŞ dolları dəyərində dövriyyə ilə Azərbaycanın əsas ticarət tərəfdaşı olub".
Qazet.az xəbər verir ki, bunu Aİ-nın və Dünya Bankının (DB) Azərbaycan üçün Çevik Texniki Yardım Aləti (AZTAF) üzrə İnzibati Sazişi imzalaması mərasimində iqtisadiyyat nazirinin I müavini Elnur Əliyev bildirib.
O, həmçinin deyib ki, hazırda Azərbaycanda Aİ-dan olan 1 700-dən çox şirkət fəaliyyət göstərir.
"Dünya Bankı ilə də sıx əməkdaşlığımız var. Bu vaxta qədər bu qurumdan 52 layihə üzər 4 milyard dollardan artıq dövlət zəmanətli investisiya cəlb etmişik", - nazir müavini əlavə edib.