Əmək Müfəttişliyi işçilərə ödənilməyən 100 minlərlə manat pul aşkar edib
işəgötürənlər tərəfindən həmin vəsaitin işçilərə ödənilməsi təmin edilib
![Əmək Müfəttişliyi işçilərə ödənilməyən 100 minlərlə manat pul aşkar edib](https://qazet.az/resized/fit900x500/center/pages/30917/75a75d4c-1457-40d7-89a7-99ee52e26a50.jpeg)
Bu ilin yanvar-sentyabr aylarında vətəndaş müraciətlərinin araşdırılması zamanı 851 914 manat məbləğində sosial xarakterli ödənişlərin işçilərə ödənilməsinin gecikdirildiyi müəyyən edilib.
Bununla bağlı Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti məlumat verib.
Bildirilir ki, tədbirlər nəticəsində işəgötürənlər tərəfindən həmin vəsaitin işçilərə ödənilməsi təmin edilib.
Ödənilən vəsaitin 837 636 manatı əmək haqlarından, qalan hissəsi zərərə görə ödənclərdən, işəgötürənlər tərəfindən ödənilməli olan müavinət və kompensasiyalardan ibarət olub.
Aidiyyəti işəgötürənlərə müvafiq məsələlərlə bağlı əmək qanunvericiliyindən irəli gələn tələblər izah olunub.