Ərdoğan dünya çempionatının finalında iştirak edəcək

Türkiyə Prezidenti Rəcəb Tayyib Ərdoğan dekabrın 18-də Qətərə səfər edəcək.

Qazet.az Anadolu-ya istinadən xəbər verir ki, onun dünya çempionatının bağlanış mərasimində iştirak edəcəyi gözlənilir.

Bu barədə şənbə günü Türkiyə liderinin administrasiyası məlumat yayıb.

“Prezidentimiz Qətər əmirinin dəvəti ilə dekabrın 18-də dünya çempionatının bağlanış mərasimində iştirak etmək üçün Dohaya səfər edəcək”, - məlumatda deyilir.

Qeyd edək ki, Ərdoğan mundialın açılış mərasimində də iştirak edib.