Bakı 26˚C Mostly sunny

Ermənistanın müdafiə nazirinin müavini hərbçilərin çadırlarda qalmayacağını vəd verib

Gündəm 11:55 02 noy, 2021

Həmin məsələnin səlahiyyətindən kənar olduğunu qeyd edib

Ermənistanın müdafiə nazirinin müavini hərbçilərin çadırlarda qalmayacağını vəd verib

Ermənistanın müdafiə nazirinin müavini Karen Brutyan parlamentdə jurnalistlərin ölkənin sərhədlərində baş verənlər barədə sualı cavablandırmaqdan imtina edib.

Bu barədə Qazet.az Ermənistan mətbuatına istinadən xəbər verir.

O, bu suala cavab verə bilməyəcəyini, həmin məsələnin səlahiyyətindən kənar olduğunu qeyd edib.

“Biz Müdafiə Nazirliyində maliyyə idarəçiliyinin effektiv olmasını təmin etməyə çalışırıq”, - nazir müavini bildirib.

Karen Brutyan Müdafiə Nazirliyinin infrastrukturunda problemlərin həll ediləcəyini vəd verib: “Bir nəfər də olsun, hərbçi çadırlarda qalmayacaq, hər kəsə lazımi şərait yaradılacaq. Biz intensiv işləyirik”.

Mənbə