Bakı 30˚C Mostly cloudy w/ showers

Feysbukun yeni adı və onun mənası

Gündəm 19:33 29 okt, 2021

Şirkətin rəhbəri Mark Zukerberq elan edib ki, şirkət "Meta" adlanacaq

Feysbukun yeni adı və onun mənası

"Facebook" şirkəti adını dəyişdirib.

Qazet.az-ın məlumatına görə, şirkətin rəhbəri Mark Zukerberq elan edib ki, şirkət "Meta" adlanacaq.

"Facebook" “metakainat" qurmağa olan diqqətini əks etdirmək üçün adını dəyişdirir", - Zukerberq deyib.

Məlumata görə, yaşamaq və şəhər mərkəzindən uzaqda işləmək istəyən "metakainat" yaradıcılıq peşələrinin sahiblərinə, həmçinin təhsil və ya istirahət obyektlərinə girişin məhdudlaşdırıldığı əyalətlərdə yaşayan insanlara böyük imkanlar verəcək.

Xatırladaq ki, feysbuk sosial şəbəkəsi 2004-cü ilin fevralında 19 yaşlı amerikalı tələbə Mark Zuckerberg tərəfindən yaradılıb. Bir müddət sonra şirkət Markı dünyanın ən varlı insanlarından birinə çevirib. Mark Zukerberqin adı dünyanın ən gənc milyarderi kimi Ginnesin "Rekordlar" kitabına da düşüb.

Şirkətin baş ofisi Menlo Parkda (ABŞ, Kaliforniya) yerləşir. Feysbuk messencer, vatsap və instaqram xidmətlərinə də sahibdir.

Xatırladaq ki, BBC-nin xəbərinə görə “Meta” yəhudi dilində “ölü” mənasına gəlir.