Dünyanın ən varlı şəxslərinin adları açıqlandı - SİYAHI

“Forbes” jurnalı dünyanın ən varlı şəxslərinin adlarını açıqlayıb.

Qazet.az xəbər verir ki, nəşrin məlumatına görə, siyahının ilk sırasında 219 milyard dollarlıq sərvətlə amerikalı iş adamı, “Tesla” və “SpaceX”in rəhbəri İlon Mask yer alıb.

“Amazon”un qurucusu Ceff Bezos 171 milyard dollar sərvətlə ikinci sırada yer alıb. Siyahının üçüncü sırasında Bernard Arnault və ailəsi 158 milyard dollar sərvətlə yer alıb. Qeyd edək ki, Bernard Arnault “Louis Vuitton” və “Sephora” da daxil olmaqla təxminən 70 moda və kosmetika brendinin yer aldığı LVMH imperiyasına nəzarət edir.

Siyahıda dördüncü sırada “Microsoft”un qurucusu Bill Qates 129 milyard dollar sərvətlə yer alıb. “Meta” şirkətinin rəhbəri Mark Zukerberq isə 67.3 milyard dollarlıq sərvətlə siyahıda 15-ci sırada yer alıb.

Məşhur messencer platforması olan “Telegram”ın qurucusu, yəhudi əsilli rusiyalı Pavel Durova gəldikdə o, 15.1 milyard dollar sərvətlə siyahıda 123-cü yerdədir.