FT: Dünyanın ən böyük çip təchizatçıları Çinlə əməkdaşlığı dayandırır

ABŞ hakimiyyəti Çinin texnoloji sektorunu cilovlamağa çalışdığı üçün qərb çip istehsal edən avadanlıq təchizatçıları Çin yarımkeçirici istehsalçılarına satış və xidməti dayandırıb.

Qazet.az bu barədə Financial Times -a  istinadən xəbər verir.

Ötən cümə günü ABŞ, ABŞ-ın çip istehsalı avadanlıqlarının Çinə ixracını qadağan edən yeni məhdudiyyətlər elan etdi.

ABŞ şirkətləri Lam Research, Applied Materials və KLA Corporation dərhal ABŞ-ın yeni qaydalarına əməl etməyə başladılar.

Financial Times-a görə, çərşənbə axşamı LAM işçilərinə Çinin çip fabriklərini tərk etmələrini əmr edib. Hollandiyanın texnologiya şirkəti ASML ABŞ işçilərinə Çinli müştərilərə xidmət göstərməyi dayandırmağı əmr edib. ASML kompüter çipləri yaratmaq üçün lazım olan avadanlıq istehsal edir.

"ABŞ ASML əməkdaşları növbəti bildirişə qədər Çində müştərilərə xidmət göstərməkdən çəkinməlidirlər. Təbii ki, biz yeni qaydalara uyğunluğu təmin etmək üçün tədbirlər görürük", - bəyanatda deyilir.

Çinin YMTC çip istehsalı müəssisəsinin əməkdaşları ABŞ şirkətlərinin tədarükləri dayandırdığını təsdiqləyiblər.