Futbol millimiz ilk qələbəsini qazanmaq üçün İrlandiyaya qarşı
Azərbaycan milli komandası DÇ-2022-nin seçmə mərhələsində növbəti oyununu keçirəcək
Bu gün Azərbaycan milli komandası DÇ-2022-nin seçmə mərhələsində növbəti oyununu keçirəcək.
Qazet.az xəbər verir ki, A qrupunun autsayderi olan yığmamız İrlandiya ilə görüşəcək.
Seçmə mərhələdə qələbə üzünə həsrət qalan Canni De Byazinin yetirmələri ilk uğurunu qazanmaq üçün meydana çıxacaq. Bakı Olimpiya Stadionundakı görüşə qədər 5 oyunda 1 xal toplayan milli son sıranı tərk etmək üçün mütləq qalib gəlməlidir.
Dublində ötən ay keçirilmiş görüş 1:1 hesabı ilə başa çatıb. Tərəflər indi münasibətlərini Bakı Olimpiya Stadionunda aydınlaşdırmağa çalışacaq.
DÇ-2022-nin seçmə mərhələsi
Avropa zonası, A qrupu
VII tur, 9 oktyabr
20:00. Azərbaycan – İrlandiya
Baş hakim: Espen Eskas (Norveç)
Bakı Olimpiya Stadionu
| 1 | Portuqaliya | 5 | 4 | 1 | 0 | 11-4 | 13 |
| 2 | Serbiya | 5 | 3 | 2 | 0 | 12-7 | 11 |
| 3 | Lüksemburq | 4 | 2 | 0 | 2 | 5-8 | 6 |
| 4 | İrlandiya | 5 | 0 | 2 | 3 | 5-8 | 2 |
| 5 | Azərbaycan | 5 | 0 | 1 | 4 | 3-9 | 1 |
Qrupun digər görüşündə Lüksemburq öz meydanında Serbiya ilə qarşılaşacaq. Qrup lideri Portuqaliya isə yoldaşlıq oyununda Qətəri qəbul edəcək. Serblər qalib gəlsə, qrup liderliyi dəyişəcək.