Gəncədə evlərdən oğurluq edən şəxs saxlanılıb

Gəncə şəhərində müxtəlif vaxtlarda ayrı-ayrı evlərdən oğurluq etməkdə şübhəli bilinən şəxs saxlanılıb.

Qaze.az-ın məlumatına görə, müxtəlif vaxtlarda şəhər ərazisindəki 3 evdən su nasosları və soba oğurlanıb.

Gəncə Şəhər Baş Polis İdarəsinin 2-ci Polis Şöbəsi əməkdaşlarının keçirdikləri əməliyyat tədbiri nəticəsində oğurluğu törətməkdə şübhəli bilinən Gəncə sakini, əvvəllər məhkum olunmuş R.Abdullayev saxlanılıb.

Faktla bağlı araşdırma aparılır.