Generaldan Zəngəzur dəhlizi ilə bağlı AÇIQLAMA - VİDEO

Bundan sonra qarşımıza qoyulacaq hər bir tapşırığı, Zəngəzur dəhlizi açılması və sairənin təmin edilməsi üzrə zəruri tədbirlər görmək imkanındayıq və görəcəyik

“Sözsüz ki, döyüş yolu ilə keçdiyimiz yerləri görərkən xatirələr canlanır. Hər bir şəhidimiz xatirəmizdədir. Allah şəhidlərimizə rəhmət eləsin. Bu bir tarixdir. Ömür boyu yaddaşımda qalacaq”.

Qazet.az xəbər verir ki, bu sözləri İTV-də yayımlanan Azərbaycan Respublikası Mədəniyyət Nazirliyi və “Azərbaycanfilm” kinostudiyasının birgə layihəsi olan “Görünməyən qəhrəmanlar” sənədli filmində Dövlət Sərhəd Xidməti rəisinin müavini, general-leytenant İlham Mehdiyev deyib:

“Bilirdim ki, verilən tapşırıq tərəfimdən 100 faiz icra olunacaq. Çünki qarşımdakı komandirlərin hazırlığını və onların bu tapşırığı icra etmək üçün nələrə qadir olduğunu əvvəldən bilirdim. Elə bir hal olmayıb ki, verdiyim əmrin icra edilməməsi barədə kimsə mənə məruzə etsin.

Əminəm ki, bundan sonra qarşımıza qoyulacaq hər bir tapşırığı, Zəngəzur dəhlizi açılması və sairənin təmin edilməsi üzrə zəruri tədbirlər görmək imkanındayıq və görəcəyik”.