Gürcü Arzusu seçkinin ilkin nəticəsini açıqladı

Gürcüstanda keçirilən seçkilərin ilkin nəticəsi açıqlanıb

Hakim Gürcü Arzusu – Demokratik Gürcüstan Partiyası hazırkı nəticələrə görə seçkidə liderlik edir.

Qazet.az  xəbər verir ki, bu sözləri hakim partiyanın sədri İrakli Kobaxidze xüsusi brifinqdə deyib.

O bildirib ki, Gürcü Arzusunun müşahidəçiləri məntəqələrdə seçki bülletenlərini paralel olaraq sayır.

İndiyə qədər, partiyaya 3664 seçki məntəqəsindən 594-nün nəticələri daxil olub.

Gürcü Arzusu iddia edib ki, bu, seçicilərin 15,87%-nin səsi deməkdir və bu faizlə nəticələr belədir:

1. Gürcü Arzusu – 52,71%

2. Vahid Milli Hərəkat – 29,14%

3. Gürcüstan naminə - 5,69%

Qeyd edək ki, Gürcüstan MSK hələ rəsmi nəticələrin elanına başlamayıb.

Seçkilərdə isə seçici fəallığının 51,92% olduğu bildirilib.(axar.az)