Gürcü səfir Ukrayna XİN-ə çağırıldı

"Nazir müavini Ukrayna XİN-in Gürcüstana nota verməsi ilə bağlı dünənki hadisəyə diqqət çəkib və Gürcüstan tərəfinin notaya müsbət istiqamətdə baxacağına ümid ifadə olunub”

Gürcüstanın Kiyevdəki səfiri Georgi Zakaraşvili eks-prezident Mixail Saakaşvili ilə bağlı yaranmış vəziyyətlə əlaqədar Ukrayna Xarici İşlər Nazirliyinə çağırılıb.

“Qazet.az” xəbər verir ki, bu barədə Ukrayna XİN məlumat yayıb.

Bildirilir ki, səfirlə Ukrayna xarici işlər nazirinin müavini Nikolay Toçitsko danışıqlar aparıb: 

“Həmsöhbətlər Ukrayna vətəndaşı Mixail Saakaşvili ilə bağlı vəziyyətə xüsusi diqqət yetiriblər. Gürcüstan səfiri xüsusilə onun Qldanidəki penitensiar tibb müəssisəsinə köçürülməsinin şərtləri barədə ətraflı məlumat verib. Nazir müavini Ukrayna XİN-in Gürcüstana nota verməsi ilə bağlı dünənki hadisəyə diqqət çəkib və Gürcüstan tərəfinin notaya müsbət istiqamətdə baxacağına ümid ifadə olunub”.