Gürcüstanda Rusiyameyilli ultra-millətçi partiya qeydiyyata alınıb
Gündəm
17:44 07 dek, 2021
Ultra-mühafizəkar və millətçi “Mühafizəkar hərəkat”ın əsas məqsədi Gürcüstanda liberal deyil, xristian demokratiyası qurmaqdır
![Gürcüstanda Rusiyameyilli ultra-millətçi partiya qeydiyyata alınıb](https://qazet.az/resized/fit900x500/center/pages/40844/0b0b71ed-f4ef-4a50-aeb7-241883ce99e0.jpeg)
Gürcüstanda “Mühafizəkar hərəkat” adlı yeni siyasi partiya dövlət qeydiyyatına alınıb.
Qazet.az xəbər verir ki, siyasi təşkilatın təsisçisi “Alt-İnfo” onlayn media resursudur.
Ultra-mühafizəkar və millətçi “Mühafizəkar hərəkat”ın əsas məqsədi Gürcüstanda liberal deyil, xristian demokratiyası qurmaqdır.
ABŞ və Avropa İttifaqına qarşı çıxan partiya liderləri Gürcüstanın Rusiya ilə münasibətlərinin bərpasının tərəfdarıdır.
Gürcüstanın hüquq müdafiəçiləri ultra-millətçi partiyanın qeydiyyata alınmasını hiddətlə qarşılayıblar.