"Heç vaxt belə olmamışdı" - Putindən koronavirus həyəcanı

Rusiya Prezidenti ölkəsində yaranmış gərgin vəziyyətdən danışıb

Rusiyada yeni növ koronavirus (COVID-19) infeksiyası ilə bağlı mürəkkəb vəziyyət yaranıb.

Qazet.az APA-ya istinadən xəbər verir ki, bu barədə Rusiya Prezidenti Vladimir Putin Soçidə ölkənin hərbi sənaye kompleksinin inkişafı ilə bağlı keçirilən müşavirədə bildirib.

“Rusiyada koronavirusla bağlı mürəkkəb vəziyyət yaranıb. Gündə 40 min nəfərdən çox insan koronavirusa yoluxur. Heç vaxt belə olmamışdı”, - V. Putin vurğulayıb.

Qeyd edək ki, Rusiyada həftə ərzində COVID-19-a gündəlik yoluxma sayı 40 mini, virusdan ölüm hallarının sayı isə 1100-ü ötüb.