Hindistanda 100-dən çox şəxs həbs edildi

Hindistanın Milli İstintaq Agentliyi və ölkənin hüquq-mühafizə orqanları 11 ştatda reydlər keçirib və nəticədə Hindistan Xalq Cəbhəsi ekstremist təşkilatının yüzdən çox üzvü həbs edilib.

Qazet.az yerli KİV-ə istinadla xəbər verir ki, ekstremist təşkilatın sıralarında terror fəaliyyəti ilə bağlı məlumatlara cavab olaraq ölkənin müxtəlif bölgələrində, əsasən də Hindistanın cənubunda reydlər keçirilib.

Hindistanın Milli İstintaq Agentliyindən bunun ölkə tarixdə indiyə qədər aparılan ən böyük tədqiqat olduğu bildirilib. Həbslər Dehli paytaxt dairəsində, Andhra-Pradeş, Assam, Karnataka, Kerala, Madhya-Pradeş, Maharaştra, Racasthan, Tamilnad, Uttar-Pradeş ştatlarında və Puduçerri ərazisində həyata keçirilib. Reydlər nəticəsində ümumilikdə 106 nəfər nəzarət altına alınıb.